अपहरण गरेर जबर्जस्ती केटाबाट केटि बनाईएका सुरेन्द्र, अन्ततः न्याय खोज्न रवि लामिछाने कहाँ पुगे -हेर्नुहोस (भिडियो सहित)

काठमान्डौ , चार वर्षअघि भारत पुगेका कञ्चनपुरका कृष्णपुर नगरपालिका–१ दोमिल्लाका एक युवकको भविष्य डामाडाेल भएकाे छ । भारतमा तेस्रो लि**ङ्गीहरूले पैसा कमाउनका लागि २३ वर्षीय सुरेन्द्र सिंह मालको भविष्य डामाडाेल पारिदिएका हुन् ।

०७२ सालमा १२ कक्षाकाे परीक्षा दिएर पढाइ खर्चको जोहो गर्न भारत गएका उनकाे पढाइसँगै भविष्य नै डामाडाेल भएकाे हाे।भारतमा हुँदा तेस्रोलि**ङ्गी गिरोहले लि**ङ्ग नै काटिदिएपछि जिवन नै बर्बाद भएकाे सुरेन्द्रले बताए। गि राेहले उनलाई महिला बनाएर कमाउने धन्दामा प्रयोग गरेका थिए ।

उनले भने, ‘लि**ङ्ग काटिदिए, महिला बनाएर महिलाकै जस्तो काम गराए ।’ दिल्लीभन्दा करिब ५० किलोमिटर टाढाकाे मेरिट भन्ने शहरका नइम खानले मालकाे लि**ङ्ग काटेर प्रयोग गरेका थिए ।

महिला भएपछि उनी लाजले घर आउन सकेका थिएनन् । तर , उनलाई त्यहाँ समस्या भएपछि ०७६ वैशाखको विशु पर्वका लागि गत वर्ष चैत अन्तिम साता नेपाल आएका थिए । सुरूमा महिलाकाे भेषमा नेपाल आउँदा कसैले सुरेश भनेर पत्याएका थिएनन् । अन्तमा उनको निधारमा भएकाे घाउ र स्वरबाट परिवारले चिनेका थिए ।

रोचन कुरा के छ, भने लि**ङ्ग काटेर तेस्रोलि**ङ्गी बनाइदिने रिजमान खानका छोरा सुहिलले माललाई प्रेम गर्न थालेका छन् । सुहिलसँगै नेपाल आएका मालको विषयमा आफन्तले चासो राख्न थालेपछि उनीमाथि अन्याय भएको थाहा पाएकाे हाे । अङ्गभङ्ग बेच बिखन गरेको भन्दै मालको परिवारले खानलाई कारबाहीको माग राखेपछिको केटालाई केटी बनाएको तथ्य खुलेको हो ।

मालका परिवारले प्रहरीमा निवेदन दिएसँगै खानलाई लिन आएका दुईसहित तीन जना भारतीय नागरिक इलाका प्रहरी कार्यालय झलारीको नियन्त्रणमा छन् । प्रहरी निरीक्षक रमेश अवस्थीले मालका परिवारले लि**ङ्ग काटेको र लि**ङ्ग काट्ने उपर कारबाही र क्षतिपूर्तिको माग राखेकाे जानकारी दिए ।

उनले घटनाका विषयमा कानुनी प्रक्रियाअनुसार जाने भएकाले सरकारी वकिलसँग छलफल भइरहेको बताए । माल परिवारले छोराको भविष्य बिगार्नेविरूद्ध मुद्दा दायर गर्ने तयारी गरेकाे छ । मुलुक अपराध संहिता २०७४ को दफा ५२ अनुसार अङ्गभङ्ग गरेमा वा पुरुषलाई पुरुषत्वहिन गरेमा १० वर्ष कैद र एक लाख जरिवानाको व्यवस्था रहेकाे छ ।मालका बाबु जयराजले छोराको भविष्य नै डामाडोल पारिदिएको भन्दै दु:ख व्यक्त गरे ।

‘हेर्नुहोस् छोरालाई छोरी नै बनाइदिएको भए हुन्थो, अहिले त न छोरा, न छोरी भयाे,’ उनले भने, ‘कसरी के गर्नु, घरमा रात दिन यसकी आमा रोइकराइ गर्छिन् । उसलाई सम्झाउने कि, छाेरालाई हेर्ने ?’

Leave a Reply

Your email address will not be published. Required fields are marked *

error: Content is protected !!